إزاي أذاكر بذكاء و بمجهود أقل

إزاي أذاكر بذكاء و بمجهود أقل 👏👏

1- ذاكر علشان عاوز تعرف وتفهم 👀
-----------------------------------
لو بتذاكر علشان تدخل تحط اللي ذاكرته في ورقة الإجابة وتطلع، الخبر الوحش إنك هتبقى بتبذل مجهود كبير في المذاكرة غير الملل والزهق، وغير إنك معرض للنسيان أكتر بكتير من لو بتذاكر علشان عاوز تفهم وتعرف أكتر عن المادة وقوانينها.

• حمس نفسك ودور على معلومات تحمسك عن المادة وتطبيقات ليها في الحياة الواقغية، تكون مسلية وتكون ليها علاقة بإهتماماتك، والإنترنت مليان طبعا، ف خليك فضولي وإسأل ودور كتير علشان تفهم مش علشان تنجح في الإمتحان آخر السنة!

• إستخدم كل الأدوات اللي تساعدك في الفهم زي الفيديوهات والأفلام الوثائقية.

• وإتفرج على فيلم “Three idiots” هو بيدور حوالين الفكرة دي.

2- من طلب العلا “نام بدري وصحي بدري”! 😹😹
------------------------------------------
الإنتباه والإستعداد للمذاكرة وطاقتك طول اليوم مش زي بعضها فإستغل أوقات الطاقة العالية والتركيز علشان مذاكرتك تبقى ذكية وفعالة.

• الوقت من بعد الفجر لحد قبل الظهر، ده وقت مثالي جدا للمذاكرة.

• ييجي بعده الوقت من بعد العصر ممتد لحد منتصف الليل.

• وممنوع المذاكرة من 1 ل 3 بالليل، لأن الوقت ده المخ بيكون بيعيد ترتيب المعلومات اللي دخلتله طول اليوم، فأي مذاكرة في الوقت ده هتكون لخبطة.

3 - خد أوقات راحة 😍
-------------------
• خد شوية راحة وقت الظهر لحد العصر، طاقتك بتكون بدأت تنزل وتبقى أقل، فإرتاح في الوقت ده، ممكن تنام شوية.

•متذاكرش أكتر من 50 دقيقة متواصلة، خد بريك من 10 ل 20 دقيقة كل ساعة.

4- كل صح علشان تبقى 💪💪
----------------------------
خلي أكلك مفيد وصحي علشان يساعدك لى الإنتباه والتركيز ويدلك طاقة.

• البيض: مليان فوائد وبينشط الذاكرة وبيخلى عندك سرعة في رد الفعل.

• عصاير: خلى الصاير بتاعتك فريش وكل حاجات فيها سكريات.

• قلل حجم الوجبة علشان تبقى خفيف وتفضل مركز.

• كل حاجات فيها حديد زي السبانخ والبنتجان والجرجير.

• إشرب شاي أخضر.

• كتر من الأسماك والسلمون علشان فيهم أوميجا3 المضاد للأكسدة.

• حافظ على الأكل الصحي وخلي الخضار والفاكهة شيئ أساسي.